Памятка турысту

 

Памятка турысту

Асноўная інфармацыя:

  • • Браслаўскі раён мяжуе з Пастаўскім, Шаркаўшчынскім, Мёрскім раёнамі, з Латвіяй на поўначы, з Літвой на захадзе.
  • • Насельніцтва: Браслаў – 9400 чалавек (на 01.01.2020 г.).
  • • Браслаўскі раён – 24600 чалавек (на 01.01.2020 г.).

Карысныя кантактныя тэлефоны:

• Турысцка-інфармацыйны цэнтр: +375 2153 67035.

• Аддзел турызму Нацыянальнага парку «Браслаўскія азёры» (заказ турыстычных стаянак, пытанні рыбалкі): + 375 2153 67707.

• Даведачнае бюро вакзала: + 375 2153 62272.

Сувеніры на памяць можна набыць у магазіне «Востраў падарункаў» (ГЦ «Віталіч», вул. Садовая, 6) або ў сувенірнай лаўцы «Ля возера» музея традыцыйнай культуры (вул. Гагарына, 7А).

Дзе купіць рыбу? Свежазамарожаную рыбу можна набыць у магазіне Нацыянальнага парку «Браслаўскія азёры» (вул. Дачная), свежую – на базе адпачынку «Дрывяты» (вул. Рыбгасная, 15А), вэнджаную – у гандлёвым цэнтры «Віталіч» (вул. Садовая, 6).

Рыбалка на Браслаўскіх азёрах. Практычна ўсе азёры, якія знаходзяцца на тэрыторыі раёна, адносяцца да Нацыянальнага парку, таму рыбалка платная. Пуцёўкі можна набыць у інфацэнтры на ўездзе ў Браслаў з боку Віцебска і Глыбокага або ў адміністрацыйным будынку Нацыянальнага парку па адрасе: вул. Дачная, 2А.

Што абавязкова варта пакаштаваць у Браславе?

• хлеб і булачкі ад мясцовага пекара Уладзіміра (рэалізацыя прадукцыі каля ГЦ «Віталіч»)

• агародніну ад фермера Караля Уладзіслава (рэалізацыя прадукцыі каля ГЦ «Віталіч»)

• сыры ад хутара «Крапачы» (в. Петкуны, Слабодкаўскі с/с)

• настойку і тушонку з дзічыны ад Нацыянальнага парку «Браслаўскія азёры» (магазін «Хатнія прысмакі», вул. Рыбгасная, 15А)

Чым заняцца з дзецьмі?

• экскурсіі па Браславе і раёне

• велапрагулкі (веласіпед і велакрэсла можна ўзяць напракат у ФСК «Дрывяціч»)

• прагулкі на яхце або катанне на цеплаходзе

• наведванне вяровачных гарадкоў (гарадскі парк, вул. Рыбгасная, 15)

• наведванне сафары-парку (в. Крукі)

• экскурсія ў музей ката Брасіка (в. Данькі), музей закладак (в. Зарачча)

• майстар-класы музея традыцыйных рамёстваў (выраб глінянай цацкі, ткацтва паясоў і закладак з нітак і інш.)

• прагулка па экасцежцы ў Браславе (вул. Рыбгасная, 15А)

• дэгустацыя пышак і ягаднай гарбаты ў «Пышачнай 8» (вул. Чырвонаармейская, 1)

Дзе пакупацца?

Практычна ва ўсіх азёрах раёна можна купацца, таму летам заўсёды бярыце з сабой купальныя касцюмы і ручнік. У рысе горада размешчаны 3 пляжы:

• Гарадскі (воз. Дрывяты). Пясчаны пляж, раздзявальні, ёсць пункт пракату, кафэ, спартыўныя пляцоўкі, дзіцячая пляцоўка, паркоўка, фудтрак.

• Пляж воз. Бярэжа. Раздзявальні, дзіцячая пляцоўка.

• Пляж у раёне турбазы (воз. Дрывяты). Раздзявальні.

У 5 км ад горада можна паплаваць у возеры Струста (в. Гусараўшчына).

Важная інфармацыя!

• Браслаўскі раён адносіцца да тэрыторыі Нацыянальнага парку, таму ставіць палаткі і распальваць вогнішчы можна толькі ў абсталяваных месцах (на турыстычных стаянках).

• Браслаўскі раён мяжуе з Літвой і Латвіяй, таму пры наведванні некаторых населеных пунктаў неабходна афармляць пропуск у пагранкамітэце або пагранкамендатуры «Опса».